ماكينة لحام الأكياس البلاستيك من شركة المهندس منسي

العميل : سلام عليكم

مهندس منسي : وعليكم السلام ورحمة الله وبركاته

العميل : حبيبي إزيك يا عم منسي

مهندس منسي : أهلاً بيك

 

العميل : كل سنة وإنت طيب

مهندس منسي : وإنت طيب يا حبيبي

العميل : ما أتحرمش من ذوقك يا رب

العميل : أنا قلت أعيد عليك وأشوفك عملت الأكياس ولا إيه؟

مهندس منسي : لا والله اعتمدت على الناس اللي عندي والناس اللي عندي كسلانة

العميل : ليه كده؟؟؟

مهندس منسي : آه والله

العميل : طب هنعمل إيه دلوقتي؟؟؟

مهندس منسي : والله ما عارف

العميل : طب هقولك حاجة حلوة

مهندس منسي : قول

العميل : تديني المكنة وأنا ألحم عندي، قولي بيتلحم إزاي وكده…

مهندس منسي : وإيه المشكلة زي المكنة بتاعت لحام أكياس عادية

العميل : آه…

مهندس منسي : هتيجي تقعد معايا شويه وأنا هعلمك فيها هقطعهم لك وإنت قاعد

العميل : ماشي مافيش مشكلة

مهندس منسي : مكنة لحام أكياس عادية

العميل : آه

مهندس منسي : بس

العميل : أنا ما لحمتش ولا بمكنة عادية ولا حتى بتاعت الأكياس العادية اللي طولها 30 سم ديت ولا 25

مهندس منسي : 40 سم

العميل : ولا 40، أنا بشوفهم وهمه بييجوا يلحموا الأكياس…

مهندس منسي : آه ممكن تشوف أي عيلين تحت إيدك يقعدوا يشتغلوا

العميل : لا هجيب ابني معايا يبص عليها بتتعمل إزاي

مهندس منسي : أي عيلين صغيرين

العميل : وأدخله المخزن يلحم فيهم

مهندس منسي : آه… آه إنت هتقوله هتعملي الكيلو بكذا…. هديك على الكيلو 2 جنيه

العميل : والله ما فارقه المهم سعرهم حلو، أنا مش عايزهم يروحوا بصراحة، أنا قلت حتى لو خدتهم كلهم هيجيبوا تمن المكنة وزيادة

مهندس منسي : ماشي يا غالي

العميل : ويبقى أنا كده كسبت المكنة

مهندس منسي : مكنة إيه ده المكنة بـ 200 ـ 300 جنيه

العميل : آه… اللي هي المكنة الإل

مهندس منسي : لأ مكنة عادية، مكنة لحام الأكياس العادية

العميل : آه… بكام المكنة عندك

مهندس منسي : لا دي إنت عارف أنا ما بجبهاش،

العميل : طيب هاتلنا مكنة ولا 2 يشتغلوا قصاد بعضيهم وأعمل الأكياس دي

مهندس منسي : ماشي يا غالي

وألم شويه البكر ونضطبهم مع بعضينا كده عادي

مهندس منسي : ماشي يا حبيبي

العميل : طيب يا سيدي

العميل : بعد العيد إن شاء الله، إنت هتبدي إمتى شغل؟

مهندس منسي : يوم السبت

العميل : طيب أنا معاك على التليفون وقت ما تبقى فاضي اديني رنة أجيلك أنا وعيالي يبصوا الدنيا فيها إيه وبتتعمل إزاي

مهندس منسي : ماشي يا حبيبي

العميل : ماشي يا غالي، ماشي، تعبتك معايا، سلام عليكم