ماكينة لحام التراسونيك للحام انابيب معجون الاسنان من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : باش مهندس
المهندس منسي : أهلاً بيك
العميل : الله يخليك معاك د/ محمد صلاح، كنت كلمتك من أسبوع تقريباً بخصوص المكنة اللي بتعبي الأنبوبة بتاعت معجون الأسنان
المهندس منسي : آه
العميل : فاكرني حضرتك، سعادتك بعتلي إيميل وكده، كنت عايز أسأل حضرتك المكنة اللي هي أم 3000 وشويه دي بتعبي ولا ما بتعبيش؟
المهندس منسي : لا ما بتعبيش بتلحم بس، بتلحم الأنبوبة لأنه الأنبوبة بتبقى لامينيت
العميل : الأنبوبة إيه يا فندم؟
المهندس منسي : الأنبوبة اللي هتلحم عليها اسمها أنبوبة لامينيت
العميل : كام طبقة؟
المهندس منسي : بتبقى 3 طبقات
العميل : بولي إيثيلين
المهندس منسي : بتبقى بولي إيثيلين ألومنيوم بولي إيثيلين
العميل : تمام…
المهندس منسي : هما بيقولوا عليها 5 طبقات ولكن هي 3 طبقات بس، هما بيعتبروا اكتر من طبقتين، ولكن هي مادة الألومنيوم ما بتتحسبش عموماً يعني
العميل : لكن هي مكنة اللحام بس أنا شفتها صورة في النت، لحام بس مش تعبئة ولحام؟
المهندس منسي : لأ لحام بس آه
العميل : هي بكام بالضبط عشان أبعت حد يخدها؟
المهندس منسي : يعني 3600 جنيه مصري
العميل : ادينا سعر حلو عشان هناخد 2 والله
المهندس منسي : يا باشا إحنا أسعارنا نهائية، إحنا شركة مالت إنترناشيونال
العميل : في عندك تابلت كونترست ماشين ولا لأ؟
المهندس منسي : نعم؟؟
العميل : تابلت كونترست ماشين
المهندس منسي : اللي هوه… إنت عايز المكنة اللي بتعبي الأقراص؟
العميل : أصل معايا الدكتور اتفضل اتكلم معاه…ألو.. السلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس كل سنة وحضرتك طيب
المهندس منسي : الحمد لله
العميل : ربنا يبارك فيك يا رب، أنا عايزك تنتشر ما تبقاش في باب الشعرية كده، انتشر في القاهرة كلها
المهندس منسي : إن شاء الله
العميل : ربنا ييسرلك يا رب، بقولك الماكينة بتاعت اللحام دي أخبارها إيه اللي بيكلمك فيها الدكتور محمد، سعرها كام حضرتك؟
المهندس منسي : ، 3600 جنيه مصري
العميل : طب بتلحم بولي إيثيلين وألومنيوم وكده؟
المهندس منسي : بتلحم الأنابيب اللي هي عبارة عن بولي إيثيلين ألومنيوم بولي إيثيلين، أو بولي إيثيلين إيه دبل إيه ألومنيوم إيه دبل إيه بولي إيثيلين
العميل : اللي موجودة في السوق يعني
المهندس منسي : آه اللي موجودة في السوق، إنما بالنسبة للأنابيب البلاستيك ما بتلحمهاش، تلحمها بس لما تلحمها تورور، فليها الأنابيب البلاستيك ليها مكنة تانية اسمها ألتراسونيك
العميل : آه… بكام الألتراسونيك؟
المهندس منسي : أما أنبوبة معجون السنان ديت المكنة اللي هي اللحام ديت تلحمها
العميل : أيوه معجون السنان آه، اللي هي حضرتك بتعمل معجون السنان وكده
المهندس منسي : بتعمل أنابيب معجون السنان، خلي بال حضرتك أنابيب معجون السنان معمولة من خامة مخصصة
العميل : طب عندك أنابيب لو حبينا ناخد منك أنابيب طيب؟
المهندس منسي : مافيش مشكلة نقدر نوردلك بس أقل كمية 25000
العميل : طب بكام سعر الأنبوبة يكون كام في الـ 25000
المهندس منسي : يبقى في حدود 1 جنيه، 1.16 جنيه، 1.20 كده يعني
العميل : لا غالية جنيه؟
المهندس منسي : ما هو كام × كام؟ أنا بكلمك كده على أي سعر وبس
العميل : أنا كنت بكلم شركة قالولي 35 قرش الأنبوبة
المهندس منسي : آه 35 يبقى 35 جرام أو 25 جرام
العميل : آه.. آه…طب الكومبريشن ماشين، المكبس ////// بكام؟
المهندس منسي : 4، ده مواصفات ألماني، وده ما ينفعش إن أنا… لازم يبقى كل حاجة جودتها عالية فيه، لأنه حاجة هتخش بطن الإنسان
العميل : لأ مافيش حاجة مصري كده أو صيني كده تبقى سعر أقل؟
المهندس منسي : والله أنصحك في ده بالذات… أصل إنت بتعمل دوا هوه إنت بتعمل أي حاجة…
العميل : لا.. لا.. مش دوا، ده أنا هعمل بيه حاجات ////// حاجات زي كده
المهندس منسي : لا هوه عموماً الموديل ده بس اللي عندنا، ومن يوم ما نزلنا بيه عملنا مواصفات ألماني حاجة نظيفة قوي وركزنا عليه وقلنا مش هنعمل أقل من كده
العميل : طب البلستر باكتش ماشين بتاعت ////// الشرايط بكام؟
المهندس منسي : بتعمل
العميل : ماشي يا فندم، خلاص هنجيلك ناخد المكنة الصغيرة اللي هي على قدنا دي
المهندس منسي : إن شاء الله
العميل : بإذن الله يكون بينا تعامل بإذن الله
المهندس منسي : ماشي يا غالي
العميل : شكراً يا فندم، السلام عليكم
