ماكينة لحام التيوب كريمات موديل 221 ماركة المهندس منسي

العميل : سلام عليكم.

المهندس منسي : سلام ورحمة الله وبركاته

العميل : باش مهندس منسي معايا لو سمحت.

المهندس منسي : أيوه.

العميل : بعد إذنك كنت عايز أسأل على بعض المكن اللي هوه بتاع الادوية .

المهندس منسي : تسأل على إيه يا فندم…

 

العميل : طيب ماشي، طب بعد إذنك كنت عايز أسأل على بعض المكن اللي هوه بتاع التعبئة بتاع الأدوية.

المهندس منسي : آه اتفضل.

العميل : اللي هوه تيوب سيلر نص أتوماتيك.

المهندس منسي : تيوب سيلر؟

العميل : تيوب سيلر نص أتوماتيك.

المهندس منسي : آه..

العميل : كنت عايز أسأل على سعرهم كام.

المهندس منسي : هتعبي إيه هتعبي كريمات ولا هتعبي سوائل؟

العميل : هنعبي مراهم، المراهم اللي في، بس عشان الحاجات دي خارجة لله، يعني رايحه للغير قادر والكلام ده، إحنا بنجيبهم  ونحطها لله يعني.

المهندس منسي : تبقى في حدود .

العميل : ده اللي هي المكنة اللي إحنا بنعبي فيها؟

المهندس منسي : آه.

العميل : اللي إحنا بنحطلها السوب وهي تعبي وتقفل.

المهندس منسي : لا حضرتك دي مكنة التعبئة بس، أما مكنة القفل دي لوحدها عاملة .

العميل : آه.. يعني مش موجود عند حضرتك المكنة اللي هي دروسلي اللي هي  تحطلها السوب تعبي وتقفل.

المهندس منسي : لا دي بنجبها بالطلب.

العميل : دي تعمل كام لو بتجيبوها بالطلب؟

المهندس منسي : بيبقى في منها أنواع، في منها روتاري بتعمل في حدود….

العميل : في منها روتالي كامل اللي هي بحقن التيوب وبتعبي، وفي منها اللي إنت بتعبي، اللي هي بتعبي وتقفل صح؟

المهندس منسي : آه اللي بتحقن التيوب وبتعبي وتغلف وتنطر دي تعملها في حدود 13 .

العميل : ده اللي هي كاملة.

المهندس منسي : آه.

العميل : واللي هي نص أتوماتيك اللي أنا بحطلها التيوب بإيدي؟

المهندس منسي : لا ما هي دي أتوماتيك هاند.

العميل : آه يعني بتحطلها إنت السوب بإديك.

المهندس منسي : أيوه.. أتوماتيك هاند  ، لو إحنا جيبنا يبقى أتوماتيك كاملة بتعمل في حدود 22 .

العميل : لا خلينا في اللي إحنا بنحطلها السوب بإدينا دي.

المهندس منسي : آه تعمل في حدود 13

العميل : 1.

المهندس منسي : آه.

العميل : طيب، والمجنسات اللي هي بتاعت الكريمات.

المهندس منسي : في عندنا حاجات صغيرة تبدأ من ـ بسم الله الرحمن الرحيم ـ من حوالي 700 .

العميل : مجنسات الكريمات؟

المهندس منسي : آه.

العميل : هي تبدأ من 50 جم تبقى حاضرة عندكم ولا بتجيبوها بالطلب دي؟

المهندس منسي : آه دي حاضرة آه.

العميل : يعني المكنة بتاعت التيوب ولا…المجنس.

المهندس منسي : المجنس ده بضاعة حاضرة..والفيلر النص أتوماتيك برده بضاعة حاضرة، ومكنة اللحام الألتراسونيك برده بضاعة حاضرة.

العميل : لا معايا ، التيوب تولر دوت بضاعة حاضرة عندك اللي إحنا بنقول عليها بـ1.

المهندس منسي : لا ده مش بضاعة حاضرة، ده هنعملهولك بالطلب.هوه إحنا مش بنجيبه من بره، إحنا بنصنع لحسابنا بره

العميل : ما أنا عارف. أصل أنا كنت عندكم في فرع باب الشعرية وعارف الكلام ده كله يعني

المهندس منسي : آه.

العميل : مجنسات الكريمات ديت موجودة عندك.

المهندس منسي : إن شاء الله.

العميل : انواع مختلفة.

المهندس منسي : إن شاء الله.

العميل : صح؟

المهندس منسي : مضبوط آه.

العميل : دي بتبقى بضاعة حاضرة.

المهندس منسي : ثانية واحدة.

العميل : ألو…يا باشا.

المهندس منسي : أيوه يا غالي، اتفضل.

العميل : مجنسات الكريمات دي موجودة عندك؟

المهندس منسي : موجودة آه.

العميل : دي بضاعة حاضرة.

المهندس منسي : إن شاء الله.

العميل : طيب، بتعمل كام؟

المهندس منسي : دي بتعمل في حدود 700 ، مش فاكر قوي يعني.

العميل : يبقى نقول من 700-، دي  اللي هوه دابل جاكيت.

المهندس منسي : آه دابل جاكيت آه تسخين حراري، حرارة غير مباشرة مش حرارة مباشرة.

العميل : آه غير مباشرة عن طريق الزيت وعن طريق المياه.

المهندس منسي : آه الله ينور عليك، مضبوط يا باشا.

العميل : طيب لحظة واحدة خليك معايا، عشان إحنا كنا عايزين 4 حاجات

اللي هي تاخود الباطنة 3سم.

المهندس منسي : آه… اللي هي النص أتوماتيك ولا الأتوماتيك؟

العميل : اللي نص أتوماتيك والأتوماتيك، عايزين سعر الاتنين.

المهندس منسي : الأتوماتيك على إيه؟ على عبوات؟

العميل : اللي موجودة نص أتوماتيك على استيكر، على الاستيكر اللي هي….

المهندس منسي : آه على الاستيكر وعلى الليبول…

العميل : آه عارفها عارفها ما هي دي اللي أنا واخدها من عندك، اللي هي بودر الاستيكر وبديها ضغطة….

المهندس منسي : وفي عندنا كمان نص أتوماتيك على عبوات لو احتجت.

العميل : على إيه؟

المهندس منسي : على عبوات بس بيبقى من قاع العبوة، يعني تقدر تطبع تاريخ الإنتاج على قاع العبوة.

العميل : آه.. دي موجودة برده.

المهندس منسي : آه موجودة.

العميل : طب بكام بقى اللي هي ////// الباطنة.

المهندس منسي : ما هوه… كانت 1700 جنيه، دلوقتي 1700 ÷ 6، .

العميل : بقت ؟

المهندس منسي : آه… هوه إحنا بدأنا نتجه إن إحنا نسعر بال ونحاسب بالمصري عشان خاطر الجنيه المصري عمال بينزل.

العميل : آه… آه، الجنيه المصري الله يرحمه.

المهندس منسي : عسى أن تكرهوا شيئاً وهو خير لكم.

العميل : الحمد لله…

المهندس منسي : ربنا يسترها.

العميل : طيب خليك معايا لحظة معلش أنا آسف إن أنا إيه… طيب الحاجات دي بتبقى موجودة بالبرشام بتاعها.

المهندس منسي : آه.. بالبرشام بتاعها، كما من حقك إن إنت تخلي الفني يسجلك فيديو تشغيل وفيديو صيانة كمان…

العميل : إنتم بتعملوا الحاجات دي عشان، وتساعدونا في الأسعار كمان عشان الحاجات دي خارجة لله.

المهندس منسي : بص حضرتك كل الحاجات دي من حقك، من حقك إن إنت تطالبه بفيديو تشغيل وفيديو صيانة وفيديو فك وتركيب.

العميل : آه….

المهندس منسي : بيبقى فيديو وفيديو عندنا، يعني الاتنين، من حقك تطالبه كمان بفك وتركيب عندك وفك وتركيب عندكم كمان.

العميل : آه… ما أنا عارف ما أنا جيت عندكم….

المهندس منسي : يعني هم نفسهم الولاد بيرحبوا، هم حابين يعملوا كده.

العميل : آه بالضبط.

المهندس منسي : ولكن العميل بيفرط في حقه وياخد المكنة وبيمشي مش عارف ليه.

العميل : لا ما ينفعش، أنا عملت  نجرب المكنة وناخدها وهوه ييجي يركبها هنا.

المهندس منسي : آه.. يدربك وكل حاجة….

العميل : آه…

المهندس منسي : ما تبقاش خايف إن المكنة تعطل منك.

العميل : بالضبط.طب بص هقول لحضرتك على حاجة خليك معايا كده، قولنا إن الاتنين سلر نص أتوماتيك عاملة 1.

المهندس منسي : آه اللي هي نص أتوماتيك، الأتوماتيك هاندفيد.

العميل : واللي هوه المجنس الكريمات عامله من 700-.

المهندس منسي : آه.

العميل : صح.

المهندس منسي : مضبوط آه.

العميل : طيب، وقلنا المكنة اللي هي ////// حضرتك قولتلي عامله 300؟

المهندس منسي : آه.

العميل : كده فضيلنا مكنة.

المهندس منسي : نعم؟

العميل : أنا كنت بكلم، كده فاضيلنا مكنة.

المهندس منسي : آه..

العميل : مكنة لحام تيوب أو أنابيب البلاستيك واللاميندت دي بتعمل من 2500-.

المهندس منسي : آه الألتراسونيك.

العميل : ماشي، ده كلام جميل، اللي هي المكنة اللصق الليبول استيكر نص أتوماتيك اللي هي الدائرية.

المهندس منسي : مكنة لصق ليبول.. آه دي بتعمل .

العميل : ، ماشي، البضاعة كلها حاضرة ماعدا أول واحدة .

المهندس منسي : ده بنجهزهولك بالطلب.

العميل : بيعقد أد إيه؟

المهندس منسي : يعني في حدود 35 يوم.

العميل : 35 يوم.

المهندس منسي : من 21 يوم – 35 يوم، أما كل البضاعة التانية بضاعة حاضرة.

العميل : أنا لو حبيت آجي بقى أشوف الليبول مثلاً آجي على فرع باب الشعرية ولا آجي على مدينة نصر؟

المهندس منسي : براحتك، إحنا عندنا باب الشعرية، حدائق القبة، مدينة نصر، 6 أكتوبر، العبور..

العميل : آه ما أنا عارف بقول لحضرتك التليفون ما لقيتش فيه شبكة كده فأنا عارف إن مكتب باب الشعرية مافيش فيه شبكة.

المهندس منسي : آه.. ماشي يا غالي.

العميل : طيب يعني لو حبيت آجي يعني على باب الشعرية الاقي ولا أي مكان تاني.

المهندس منسي : براحتك المكان اللي يريحك، باب الشعرية، مدينة نصر، حدائق القبة، 6 أكتوبر، العبور.

العميل : هوه فين في أكتوبر بقى؟

المهندس منسي : في مجمع اسمه مجمع الأمل.

العميل : ميدان إيه؟

المهندس منسي : مجمع الأمل.

العميل : فين بقى في أكتوبر.

المهندس منسي : هبعتلك دلوقتي رقم تليفون المدير بتاع الفرع هناك هتتصل عليه وتضبط معاه وهوه يوصفلك.

العميل : طيب ماشي يا ريب من فضلك.

المهندس منسي : ماشي يا باشا.

العميل : ماشي يا باشا، شكراً، سلام عليكم.