ماكينة لحام الطبة الفويل علي الازايز من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : حضرتك عندك المكنة اللي بتعمل الطبة الفويل على الأزايز
المهندس منسي : إن شاء الله
العميل : بتبقى سعرها من كام يا حاج؟
المهندس منسي : يعني 3600 جنيه
العميل : بتبدأ من كده ولا ده أقصى حاجة؟ ولا هوه سعر واحد؟
المهندس منسي : هوه 3600 جنيه
العميل : ده اللي هي الليزر ده حضرتك اللي هي اللي ليها دراع
المهندس منسي : آه
العميل : التوب عندك يا بيه؟
المهندس منسي : عندنا التوب آه
العميل : ده بالواحدة ولا بالكيلو يا بيه؟
المهندس منسي : بيبقى بالعدد، على حسب العبوة وعلى حسب الكمية
العميل : أنا عندي العبوة الوش القطر بتاعها 3.5
المهندس منسي : آه.. ماشي ما هوه إحنا عايزين نشوف العبوة نفسها، ونشوف الكميات إيه؟ ونشوف المنتج نفسه إيه؟
العميل : طب حضرتك معلش كنت عايز آخد فكرة عن الأسعار بس بعد إذنك
المهندس منسي : الأسعار مش هنقدر نحددها، يعني إنت سألتني عن المكن فقلتلك، أما بالنسبة للخامات مش هنقدر نحدد إلا لما نشوف العبوة نفسها لأنه في عبوات بي إي تي، وفي عبوات بي في سي، وفي عبوات بولي إيثيلين، فلازم نشوف العبوة ونحدد ونقول الكمية أد إيه وبناء عليه نحدد السعر
العميل : لكن مافيش سعر استرشادي كده يعني؟
المهندس منسي : يعني في حدود الألف بـ 100 جنيه ـ 120 جنيه كده يعني، حسب نوع العبوة
العميل : مكانكم فين يا بيه؟
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : اللي في باب الشعرية فين؟
المهندس منسي : هبعتلك العنوان في رسالة حالاً
العميل : شاكرين أفضالك يا بيه شكراً
