مشروع مصنع صغير للزيت من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : ألو

المهندس منسي : معاك

العميل : أيوه يا باش مهندس

المهندس منسي : أهلاً بيك مين معايا

العميل : أنا واحد من المنصورة، كنت عايز أعرف مصنع صغير زيت تكلفته تبقى يعني.. عشان أجيلك

المهندس منسي : آه تيجي تنورني

العميل : تكلفته في حدود كام يعني عشان أعمل حسابي

المهندس منسي : عايز تعمل إيه؟

العميل : عندي مكان كده عايز أعمل فيه مصنع زيت صغير كده

المهندس منسي : عايز تعمل مصنع زيت إيه؟

العميل : زيت طعام

المهندس منسي : آه.. آه..

العميل : زيت نباتي، عباد شمس… كده يعني

المهندس منسي : آه ماشي مافيش مشكلة، عايز تعبيه طبعاً

العميل : آه

المهندس منسي : طب استفيض معايا في المعلومة شويه لأنه عايز أعمل مصنع زيت ديت.. إنت قولي عايز مني إيه وأنا أساعدك…

العميل : عايز مكنة مثلاً أبدأ بمكنة مثلاً وأشوف تكلفتها كام

المهندس منسي : أنا عندي مكن تعبئة وتغليف الزيت بجميع أنواعه، وعندي حوالي أكتر من 35 موديل، 35 كيفية، 35 أوبشن، 35 وظيفة

العميل : بص يا باش مهندس، إحنا مش فاهمين في الحاجات ديت، إنت تجيبلنا مكنة تعيش معانا وتكلفتها كذا

المهندس منسي : لازم آخد شويه معلومات عشان أقدر أشوفلك مكنة من الـ35 أوبشن اللي عندنا أقولك

العميل : أنا عندي مكان قول مثلاً 100 متر مثلاً

المهندس منسي : آه.. لأ سيبك من المكان، المكان ده بنتصرف فيه ما تقلقش منه خالص

العميل : أمال إيه؟

المهندس منسي : المهم عندي الطاقة الإنتاجية اللي إنت هتوزعها، لأن أنا عندي تعبئة زيت طعام…

العميل : إحنا في منطقة مافيش فيها حاجات من دي خالص

المهندس منسي : بص يا سيدي صلي على النبي

العميل : عليه الصلاة والسلام

المهندس منسي : أنا عندي مكنة تعبئة زيت بتعمل ، وعندي مكنة تعبئة زيت بتعمل 7000 ، ولكن المكنة أم مش معناها إنها وحشة، لأ زي الفل، لأن عمري ما أطلع مكنة إلا ما تكون جودتها 100% ولكن أوبشنها إيه؟؟؟ زي مثلاً حضرتك لما تيجي تشوف التليفون السامسونج تلاقي في تليفون بـ12000 وفي تليفون بـ 600 جنيه

العميل : كلامك مضبوط

المهندس منسي : فهنا مثلاً لما نيجي نقول المكنة بتاعت تعبئة الزيت أم 300 هي إنتاجيتها بسيطة، يعني تقدر تعملك 500 لتر في الساعة، أو 300 في الساعة… وهكذا

العميل : آه…

المهندس منسي : لما نيجي نطلع فوق شويه ونقول مكنة تعبئة زيت طعام مثلاً نص أتوماتيك طاقتها الإنتاجية أعلى نقول الكابسيتي بتاعها نقول ألف لتر في الساعة، دي تعمل كام؟؟ ، أو في حاجة تانية بـ

العميل : آه…

المهندس منسي : في بقى أتوماتيك كاملة، يعني إنت تحطلها الأزايز وهي تعبي وتعمل كل حاجة لوحدها، دي تعمل إحنا بنسمي بس بال ولكن بناخد بالمصري عادي

العميل : ماشي أنا عارف، أم دي مثلاً طاقتها أد إيه لغاية ما تشتغل

المهندس منسي : مش طاقتها، أنا كده اتكلمت على مكنة تعبئة الزيت، هتحتاج إيه تاني بقى، هتحتاج قفل غطا؟

العميل : آه

المهندس منسي : قفل غطا مثلاً في مكنة نص أتوماتيك بـ

العميل : أنا عايزك تقولي التكلفة كلها كام يعني عشان أنا مش فارق معاك في اللي إنت بتقوله

المهندس منسي : بص تسمع نصيحة أخوك لوجه الله

العميل : آه

المهندس منسي : ابتدأ بخط نص أتوماتيك الأول وشوف العملية إيه، وبلاش نكسب في الأول شهرين ولا شهرين، وبعد كده نعبي وننزل المنتج في السوق ونشوف مشاكلنا إيه ونبدأ نحلها

العميل : طب النص ده يتكلف أد إيه؟

المهندس منسي : في حاجة منه بـ ، وفي بـ ، وفي حاجة بـ ، أم دي بروحين تعبي إزازتين مرة واحدة، أم بتعبي إزازة إزازة بس طاقتها الإنتاجية عالية بتعمل طن في الساعة

العميل : أم ألف تتكلف علينا كام دي؟

المهندس منسي : يعني 18000 جنيه مصري

العميل : مافيش حاجة تاني؟

المهندس منسي : الأقل من كده بقى الصغيرة خالص عامله …

العميل : لأ.. أنا بكلمك أنا عرفت دي ب المكنة خلاص، أنا بكلمك على الفوارغ ومش عارف إيه…

المهندس منسي : الفوارغ دي مش تبعي، لو عايز أعملك الفوارغ أعملك على الأقل خالص أقل كمية 25000 إزازة

العميل : آه… ودي تتكلم كام يعني…

المهندس منسي : الإزازة الفارغة تتكلف في حدود بتبدأ من 45 قرش وإنت طالع

العميل : آه… والكهربا بقى أهم حاجة…

المهندس منسي : بص هي بتتكلف 45 قرش على حسب وزنها، يعني النهاردة ممكن يكون وزنها خفيف يبقى 45 طب افرض وزنها تقيل شويه محملة شويه، تبقى 65 قرش، في ناس بيعملوها محملة وجامدة تبدأ تبقى بـ 90… وهكذا، هي المواد الغذائية على العموم بيدوروا على الخفيف

العميل : آه.. طيب الكهربا بقى

المهندس منسي : بص كل كهربا أخوك تصميم المكنة بتاعنا كله على الكهربا العادية، لا تشغل بالك بمكان ولا بكهربا

العميل : يعني الكهربا عادي

المهندس منسي : آه… لأنه أنا عارف إن مشكلة ولاد بلدي دايماً الكهربا والمكان، فأنا حلتها لهم

العميل : طب أنا آجي لسيادتك فين بقى؟

المهندس منسي : موجودين إحنا عندنا حدائق القبة، مدينة نصر، باب الشعرية، 6 أكتوبر

العميل : آه… طب ممكن تشيعلي أنا من المنصورة وعايز أجيلك شيعلي أسهل حاجة…

المهندس منسي : هوه إنت منين في المنصورة؟

العميل : من شربين

المهندس منسي : أهلاً بيك، أهلاً وسهلاً

العميل : أهلاً بيك

المهندس منسي : أنا أساساً من قرية تبع ميت غمر اسمها ميت مسعود

العميل : ما هو إحنا بلديات أهوه

المهندس منسي : آه

العميل : تكرمنا شويه…

المهندس منسي : النهاردة أخدمك في إيه؟؟ أخدمك في الأمانة وإن أنا أقدملك مكنة صح الصح

العميل : عايز أقابلك إنت

المهندس منسي : ما هوه المشكلة أنا بقيت استشاري بس للشركة، أما إنت هتلاقي الناس بتوع المبيعات قاعدين يرحبوا بيك و.. و…

العميل : مش سامعك

المهندس منسي : ألو…

العميل : سامعني؟

المهندس منسي : آه.. صدقني أنا معايا شويه شباب مهندسين عيال كلهم ولاد ناس زي الفل وهيخدموك صدقني أحسن مني، إنت عايزني أنا معايا حد دلوقتي، أنا في مشوار دلوقتي.. شويه وجاي… إنما دلوقتي مدير المبيعات اللي قاعد دوت خريج هندسة ابن ناس أنا منقيه على الفرازة أهم حاجة فيه إنه ما يكذبش، دائماً وأبداً أقولهم أوعى تكذب على العميل الأرزاق بإيد ربنا، أوعى تغش، أوعى تقوله أي معلومة غلط مهما كان، أوعى تحلي لقمتك عشان تبيع، أنا ما ببعش، أنا بقدم منتج، أنا صاحب حالة، بقدم منتج مش ببيع، بيعي هوه المنتج بتاعي، لأن إحنا ناس مصنعين مهندسين مش تجار، ما تتخذش أسلوب التجارة….

العميل : بقول لسيادتك المكنة دي بتحتاج خزانات ولا لأ؟

المهندس منسي : لا ما بتحتاجش، إنت بتمسك الخرطوم وتحطه في الخزان اللي جايلك فيه الزيت

العميل : الخزان اللي بييجي عندي يفضى زي ما هوا؟

المهندس منسي : آه زي ما هوه تروح حاطط الخرطوم فيها وتروح ساحبه حطه في الأزايز

العميل : يعني لغاية الخزان ما يخلص يبدلي خزان تاني

المهندس منسي : إن شاء الله

العميل : طب ممكن بس تشيعلي العنوان؟

المهندس منسي : هشيعهولك حاضر

العميل : يعني لو في أي مكان ألاقيك ابعتلي عنوانه

المهندس منسي : بص أنا موجود في كل الفروع بروح ساعتين وأمشي في كل فرع، أبص على الفروع بس

العميل : آه

المهندس منسي : بس صدقني الناس هناك هيخدموك أحسن مني بكتير قوي قوي قوي، الناس بتوع المبيعات ناس كويسة قوي وزي الفل

العميل : من كلامك والله أنا ارتحت لسيادتك

المهندس منسي : الله يبارك لك

العميل : عايزك بس ابعتلي العنوان وأنا أجيلك يعني

المهندس منسي : إن شاء الله

العميل : أتصل عليك تاني آخد العنوان ولا هتبعتهولي على الواتس آب

المهندس منسي : لا هبعتهولك في رسالة دلوقتي، استنى كده هشيعهولك أهوه

العميل : ما اتعرفناش باسم سيادتك

المهندس منسي : المهندس منسي

العميل : ماشي يا باش مهندس

المهندس منسي : بص هوه تقريباً أنا بعتلك رسالة قبل كده فالتليفون مش راضي يقبل رسايل تاني، إنت تقريباً اتصلت بيا قبل كده من فترة

العميل : اتصلت بيك قبل كده من فترة بس التليفون اتغير

المهندس منسي : عشان كده مش راضي يقبل رسايل عشان مبعوتلك قبل كده، خد الرقم ده عندك وكلمه 01211116956

العميل : أرن عليك منه ولا أرن عليه…

المهندس منسي : لا رن على الشخص نفسه وقوله شيعلي العنوان، أنا كلمت المهندس منسي ابن عمك وبيقولك ابعتلي العنوان

العميل : ماشي

المهندس منسي : ماشي يا باشا

العميل : ماشي مع السلامة