مصنع عبوات عصير بسعر بسيط من شركة المهندس منسي

العميل : سلام عليكم

المهندس منسي :عليكم السلام ورحمة الله وبركاته

العميل : معالي الباشا

المهندس منسي :أهلاً بيك مين معايا

العميل : مع حضرتك علاء المهدي يا فندم عندي شركة عصاير وعايز أستفيد من خبرة حضرتكم

المهندس منسي :طلبات حضرتك إيه؟

العميل : أخوك علاء المهدي يا فندم

المهندس منسي :أهلاً وسهلاً

العميل : هوه ده فرع مدينة نصر شركة المهندس منسي

المهندس منسي :لا ده الرئيسي يعني

العميل : معايا مين بقى؟

المهندس منسي :المهندس منسي مع حضرتك

العميل : أهلاً وسهلاً يا باش مهندس كنت عايز أقابل حضرتك يا فندم أتشرف بمعرفتك

المهندس منسي :لا ده الشرف ليا يا باشا

العميل : يا باشا ربنا يبارك فيك

المهندس منسي :أأمرني

العميل : الأمر لله، أنا عندي شركة عصاير وعايز أوصل لحاجة، أنا عندي كنت شغال في الجراكن 2 لتر و 4 لتر

المهندس منسي :آه

العميل : فعملالي تكلفة عالية قوي، فعايز أستعين مثلاً بحضرتك تفدني أعمل إيه؟؟ ممكن أعبيها إزاي، في مكنة….

المهندس منسي :عندنا عدد من الطرق إن هوه ممكن نعملك مصنع عبوات ويكون سعره بسيط

العميل : تمام… ده اللي أنا عايز أقعد مع حضرتك فيه بقى، يعني لو كده نولف حاجات… حضرتك فين النهاردة؟

المهندس منسي :أنا دايماً ببقى موجود في الفرع بتاع باب الشعرية من الساعة 5-11

العميل : تمام يعني آجي لحضرتك باب الشعرية

المهندس منسي :آه إن شاء الله

المهندس منسي :كل ما اتأخرت كل ما كان أفضل عشان خاطر بيبقى عندي المقابلات من 5-11 يعني

العميل : تمام يا باشا، وفرع مدينة نصر مش شغال هروح مش هلاقي حضرتك فيه ولا هلاقي حد…

المهندس منسي :لأ مش مش شغال، مش شغال إزاي بقى، شغال وزي الفل

العميل : تمام يا باشا

المهندس منسي :بس أنا بروح هناك…إنما في ناس قاعدين فيه في هناك المهندس أحمد وهناك حسن وعدد كبير هناك…

العميل : ممكن يفيدني يعني، ممكن لو رحتله يفيدني

المهندس منسي :آه ولا حاجة إنت دلوقتي اتصلت في الموضوع….

العميل : أنا في مدينة نصر حالياً

المهندس منسي :ولا حاجة خش عليه قوله عايز مكنة نفخ عبوات بي إي تي، بيت قوله بيت

العميل : تمام يا فندم، طب ممكن توديني لحد معين حضرتك تثق فيه

المهندس منسي :المهندس أحمد مدير الفرع هناك

العميل : المهندس أحمد حسن مدير الفرع، تمام يا فندم

المهندس منسي :ماشي

العميل : شاكر جداً يا فندم لاهتمامك وإن شاء الله هتشرف بمعرفة حضرتك ومقابلتك إن شاء الله، حضرتك تاخد الفكرة وأبقى محدد في كلامي معاك بعد كده

إن شاء الله

المهندس منسي :الله يخليك متشكر جداً

العميل : مع السلامة

المهندس منسي :عليكم السلام ورحمة الله وبركاته