مكنة تغليف العبوات بالشرينك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي ؟
مهندس منسي : اتفضل المهندس منسي مع حضرتك علي الشات دلوقتي
العميل : آه أهلاً وسهلاً، إزيك يا باش مهندس
مهندس منسي : الحمد لله
العميل : إمبارح أنا أول إمبارح كنت عند حضرتك في الشركة هناك، وقابلت الأستاذ، فخدت من عنده اللي هوه فيديو بتاع مكنة تغليف
مهندس منسي : آه..
العميل : فحضرتك المكنة دي أنا شفت الفيديو همه حطين عليها علب من فوق، وبتغلف العبوات مع بعض، هل ينفع حضرتك المكنة دي يتحط فيها إزازة المياه المعدنية، إزازة المياه الصغيرة اللي هي الـ 15 مللي
مهندس منسي : ينفع آه
العميل : يتحط مثلاً 4 × 5 جنب بعض
مهندس منسي : عادي ينفع واحدة واحدة، وينفع لو إنت حطيت دستة مع بعضها
العميل : لأ أنا بتكلم على 4 × 5 يعني حوالي 20 إزازة تغليفة واحدة، ينفع تتحط فيها مرة واحدة وتطلع مغلفة
مهندس منسي : إن شاء الله
العميل : يعني تمشي يعني الـ 4 ×5
مهندس منسي : آه
العميل : أنا ممكن أبعت لحضرتك فيديو لو عند حضرتك واتس آب ممكن أبعتلك الفيديو نفس اللي أنا عايزه، وأتصل بحضرتك تاني تقولي آه ينفع ولا ما ينفعش
مهندس منسي : ماشي
العميل : طيب شكراً جزيلاً، أنا هبعته لحضرتك دلوقتي وبرده هبتعت لحضرتك تاني وحضرتك تكون اتفرجت على الفيديو يعني
مهندس منسي : إن شاء الله
العميل : شكراً جزيلاً ، شكراً
مهندس منسي : تحت أمرك
العميل : أنا حضرتك بعت الفيديو وصورة معاهم، معايا حضرتك
مهندس منسي : آه
العميل : فبالنسبة للبلاستيك بيكون كام مللي، اللي هوه بيسلفن الأزايز
ده بيبقى جزء من الألف من المللي
مهندس منسي : يعني ممكن مثلاً 30 ميكرون، يعني 30 من الألف من المللي
العميل : يعني مش بلاستيك عادي
مهندس منسي : لا مش بلاستيك عادي، هوه بلاستيك مخصوص للشرينك
العميل : آه… وده حضرتك متوفر هنا بس ولا لما أسافر بره ممكن ألاقيه في السعودية؟
مهندس منسي : متوفر عندنا آه، مش عارف في السعودية، بس هوه في كل بلاد العالم
العميل : في كل بلاد العالم، طب حضرتك بالنسبة لوزن المكنة حوالي أد إيه كام كيلو؟
مهندس منسي : أشوفها وأرد عليك
العميل : طيب يا ريت حضرتك تتفرج على الفيديو وأنا ممكن 5 دقائق 10 دقائق وارجع لحضرتك تاني
مهندس منسي : إن شاء الله
العميل : طيب ماشي متشكر جداً يا باش مهندس، عشان لو كده آجي أخلص مع حضرتك وآخد واحدة لو تنفع إن أنا آخدها معايا في الشنطة آخدها، لو هتقولي حضرتك لازم تتشحن، يبقى حضرتك تقولي بس كام كيلو المكنة لإن لو أنا أقدر آخدها في شنطة معايا ولا حاجة
مهندس منسي : إن شاء الله
العميل : شكراً جزيلاً
العميل : معلش أنا وجعت دماغك
مهندس منسي : لا ولا يهمك
العميل : حضرتك شوفت الفيديو اللي أنا بعتهولك؟
مهندس منسي : آه
العميل : طب هل الأزايز دي تنفع تخش المكنة وتطلع بنفس الطريقة…
مهندس منسي : آه ينفع آه، في مكنتين، في مكنة اسمها نفق قصير، وفي مكنة اسمها نفق كبير
العميل : إيه النفق القصير، وإيه النفق الكبير حضرتك؟
مهندس منسي : النفق القصير اللي هوه بتعمل 5 متر في الدقيقة، والنفق الكبير تعمل 12 متر في الدقيقة
العميل : بالنسبة للي همه الـ 5 أزايز جنب بعض × 4 دولت..
مهندس منسي : نفترض مثلاً إن الإزازة دي 7 سم، 4 …
العميل : لأ دي 15 سم، ولا إنت بتتكلم على القطر نفسه
مهندس منسي : على قطر الإزازة
العميل : القطر مش الطول يعني
مهندس منسي : لأ قطر الإزازة، قطر الإزازة نقول مثلاً 6 ـ 7 سم، يبقى 4 × 7 = 28، معناها إنها تعمل 28 المكنة النفق القصير، ثانية واحدة 500 ÷ 28 يعني معناها إنها تعمل 17 طرد
العميل : تعمل 17 إيه حضرتك؟
مهندس منسي : لما نيجي نقول الـ 4 × 5 دول نسميهم طرد، يبقى معناها إنها تعمل 17 طرد في الدقيقة
العميل : 17 لفة من اللي همه 20 دولت في الدقيقة
مهندس منسي : أيوه
العميل : طيب متشكر جداً يا باش مهندس، طب بالنسبة للبلاستيك متوفر في جميع دول العالم
مهندس منسي : إن شاء الله
العميل : طب حضرتك بالنسبة لوزنها بقى؟
مهندس منسي : ثانية واحدة… هوه مش مكتوب وزنها لكن هوه تقريباً في حدود 40 كيلو
العميل : يعني ما تتشلش في شنطة يعني لازم تتشحن
مهندس منسي : آه.. ممكن تخدها في صحبة مسافر
العميل : أنا مسافر بعد العيد مباشرة بإذن الله، فممكن إن أنا أحطها في شنطة وفي المطار ما يتكلموش…
مهندس منسي : مش في شنطة، في كرتونة، إنت هتحطها معاك في كرتونة، وهييجي…
العميل : وتتغلف
مهندس منسي : آه وهتتغلف، وإنت في السعودية هيسألوك إيه ديت، هتقولهم عادي مكنة ما فيهاش حاجة يعني
العميل : مكنة تغليف، أنا واخدها مكنة تغليف عادية ليا يعني
مهندس منسي : آه
العميل : طيب متشكر جداً يا باش مهندس
مهندس منسي : يعني يقفوك لو إنت معاك كمية، إنما واحدة أو اتنين…
العميل : لا دي مكنة استعمال شخصي يعني، طب بقول لحضرتك الصغيرة بكام والكبيرة بكام؟
مهندس منسي : السعر بيبدأ من 430 …
العميل : يعني 430 دي الصغيرة
مهندس منسي : حضرتك هوه في 3 مقاسات عندنا، حضرتك تيجي تشرفنا تتفرج عليهم
العميل : ما أنا كنت عند حضرتك أول إمبارح، وكنت عند حضرتك برده من إيمت 5 ـ 6 أيام برده، فيعني نزلت عند حضرتك مرتين في باب الشعرية تحت
ومع ذلك…..
العميل : وبعدين أنا ساكن في القاهرة الجديدة فللأسف ما كانش فيه إلا هي المكنة اللي معروضة على اللاب توب، اللي أنا اتفرجت عليها اللي على اللاب توب، ما كنتش معروضة عند حضرتك في الشركة
مهندس منسي : لا قلهم أنا عايز أتفرج على كل مكن الشرينك بتاعكم
العميل : طيب… دي حضرتك اللي بتعمل 17 طرد في الدقيقة
مهندس منسي : إن شاء الله
العميل : طب متشكر جداً يا باش مهندس، آسف على إزعاج حضرتك، سلام عليكم، مع ألف سلامة
