مكن لصق الاستيكر من شركة المهندس منسي

 

العميل: سلام عليكم

المهندس منسي: وعليكم السلام ورحمه الله وبركاته

العميل: شركة منسي تو باك

المهندس منسي: أيوه

العميل: من فضلك أنا شركة المصرية لمستحضرات التجميل

المهندس منسي: أهلاً بيكي

العميل: أهلاً بحضرتك، أنا عايزه أسأل حضرتك كان عندكم مكن لطباعة استيكر الشامبو

المهندس منسي: مكن بيطبع الاستيكر ولا بيلصق الاستيكر

العميل: لأ بيطبع الاستيكر ويلصقه في نفس الوقت

المهندس منسي: آه.. يعني اللي هوه باركود يعني ولا شكل الطباعة إيه؟

العميل: لأ هوه في باركود وفي كل حاجة يعني تتطبعلنا الاستيكر كله

المهندس منسي: آه… يعني عايزه تطبعي اللي هوه 4 لون يعني؟

العميل: أطبع 4 إيه؟؟؟

المهندس منسي: لأ إنت ابعتيلي بس التصميم بتاعك عشان أشوف الطباعة بتاعتك…

العميل: أبعتهولك على الإيميل

المهندس منسي: آه…

العميل: مفيش مشكلة حاضر، هبعتهولك على الإيميل وبعد كده هتصل بحضرتك

المهندس منسي: همه بقى هيتابعه معاك على الإيميل

العميل: هوه ممكن يجيلك على المكتب لو عايزه، مفيش مشكلة؟

المهندس منسي: تيجوا تنوروني، بحيث يبقى في عينة لايف، عينة ملموسة في إيدي

العميل: لا عندنا عينة، إحنا اشتغلنا في الشامبو ده قبل كده، عندنا عينة حاضر

المهندس منسي: وجبتوا مكن بيطبع الاستيكر ويلصقه في نفس الوقت قبل كده؟

العميل: لا ما جبناش أول مرة، إحنا قبل كده عملناه طباعة بره، فأول مرة نجيب المكن بيطبع الاستيكر المهندس منسي: ويعمله، عايزين نجيبه عشان يبقى كل شغلنا بيطلع من عندنا كامل، إن شاء الله

إن شاء الله، ماشي يا ست الكل

العميل: حضرتك في باب الشعرية

المهندس منسي: آه

العميل: خلاص مافيش مشكلة على العموم، والمواعيد؟

المهندس منسي: من 11-9 مساء

العميل: خلاص مفيش مشكلة، هزور حضرتك النهاردة إن شاء الله ونجيبلك معانا عينات، ولو ربنا أكرمنا كده نتفق إن شاء الله

المهندس منسي: هبعتلك أنا العنوان في رسالة دلوقتي حالاً

العميل: حاضر ابعتهولي يا أستاذ، أنا متشكرة جداً

المهندس منسي: العفو يا ست الكل، مع السلامة

العميل: سلام عليكم